Nuh Peyğəmbər türbəsiniziyarət edin
Gözəl mənzərəli bir yolla Naxçıvandan Ordubada gedərkən üfüqdə ucalan Azərbaycanın ən gözəl dağlarından birini görəcəksiniz: İlandağın iki yerə bölünmüş haça zirvəsinin tufan zamanı Nuh peyğəmbərin gəmisinin dağa dəyməsi ilə parçalandığı hesab olunur. Naxçıvan əfsanələrlə zəngindir və onların arasında Nuh peyğəmbərin burada məskunlaşıb yaşaması və ölməsi ilə bağlı yerli inanc xüsusən mistik və sirlidir. Naxçıvan şəhərində yerləşən Nuh Peyğəmbər türbəsi rayonda mütləq görməli olduğunuz yerlərdən biridir. Buradakı lövhədə türbənin e.ə. IV minillikdən bəri mövcud olduğu və dəfələrlə bərpa edildiyi (ən son 2008-ci ildə) qeyd olunub. Türbə "Naxçıvanqala" Tarix-Memarlıq Muzey Kompleksi ərazisində yerləşir.
