Lənkəranın müalicəvə sağlamlıq mərkəzləri
Azərbaycanın bu subtropik guşəsində təbiət nəinki göz oxşayır, hətta təbii müalicəvi əhəmiyyətə malikdir. Tarixən yerli sakinlər rayondakı termal bulaqlardan (“istisu” adlanır) bütün növ xəstəliklərin müalicəsində istifadə ediblər. Bir qayda olaraq, buradakı sanatoriyalarda yer altından çıxan isti, minerallarla zəngin su vannaları qəbul etmək mümkündür. Həmin vannalar insanı həddən artıq dərəcədə sakitləşdirir. Həftoni qəsəbəsində mineral sularla müalicə tamamilə yeni səviyyəyə yüksəldilib. Belə ki, 1958-ci ildə qəsəbədə fəaliyyətə başlamış və sovet dövründə çox məşhur olan sanatoriya ilə bərabər, 2019-cu ildən etibarən burada lüks “Lənkəran İstisu” və “Sağlamlıq Mərkəzi” istifadəyə verildi. Burada yalnız mineral sularla müalicə deyil, həmçinin spa və relaksasiya proqramları da təklif olunur. Gözəl təbiətin əhatəsində rahatlanmaq üçün hər bir imkan yaradılıb.
